Benvida

Benvidos a todos e todas a esta pequena xanela que abrimos dende Apelón para que poidades coñecer, de primeira man, o que aquí cociñamos diariamente, que non é outra cousa máis que ilusións, gañas de aprender e gañas de pasalo ben. Agardamos que disfrutedes con nós de todo isto.

lunes

Charla sobre o cacao

Os nenos e nenas da clase de 5 anos e a profe Ruth estiveron traballando sobre o cacao, e como remate final do seu proxecto de traballo estiveron dando charlas sobre o mesmo a todo o alumnado do colexio.
Por suposto, a nós tamén nos convidaron a unha desas charlas.

 E nós asistimos moi gustosos



Os nenos e nenas de 5 anos contáronnos cousas moi interesantes sobre o caco, e quedamos abraiados cando nos ensinaron como era o froito do cacao... a primeira vez que o víamos!!



Moitas grazas por compartir con nós todo o que aprendestes!!

Aniversarios do mes de abril

No mes de abril moitas nenas cumpriron anos, para ser máis exactos 5!

Noelia Dopico

Lía

Valeria

Alicia

Paula


Moitas felicidades a todas, e benvidas ao club dos 5 anos!!

viernes

Happy Easter!!

Xa veñen aí as vacacións de Semana Santa! Este curso, celebrámolas dun xeito moi especial. Primeiro, pasamos unha xornada moi divertida buscando ovos de Pascua polo patio.









Logo, todo o colexio participou nunha degustación de postres típicos de Pascua ingleses, así que tocounos cociñar, pero esta vez en Inglés!!!















E despois de tanto traballar, tocaba comer. Menuda merendola!!








Boas vacacións!!

O noso bosque

Como xa saberedes, estamos a traballar todo o colexio " As fragas do Eume". Durante o primeiro trimestre do curso tivemos unha primeira toma de contacto coas fragas: visitamos as fragas e coñecemos a Derdrín, un trasgo que vive nas fragas do Eume.
Este segundo trimestre do curso, as profes do colexio montaron un fermoso bosque na entrada . Trátase dun bosque moi especial pois nel pódese escoitar, tocar, ulir...





Pero ademais, tamén se poden facer xogos estupendos nos que buscar tarxetas especias con nomes, encargos,..., ou contos fantásticos con fadas, bruxas,...







E nós, sempre moi atentos e atentas, non queremos perder detalle de nada...


jueves

Cabezolos na clase!

Que sorte!!! Valeria trouxo para clase cabezolos!! Temos que coidalos un montón a ver se conseguimos ver como se van transformando en ras!!



 Montamos un pequeno recuncho na clase para telos e poder observalos sempre que queremos.
Dámoslles de comer comida para peixes, aínda que a nai de Valeria dixo que tamén comían leituga.
Cada dous días, máis ou menos, cambiámoslles a auga que trae a profe dunha charca, porque é a auga que a eles lles gusta. Non vale a uga da billa.
Ademais, a clase de 5 anos prestounos o conto "Había una vez un renacuajo", no que se nos explica moi ben todo o proceso.


Aos poucos días xa tiñan patiñas, e un deles estaba xa enorme! A profe colocoulles unhas pedras na pecera para que, o máis grande, se poidera subir a elas, posto que xa estaba no proceso final da súa transformación e xa non podía estar sempre dentro da auga.
Finalmente, sen conseguir ver todo o proceso, antes de marchar de vacacións de Semana Santa fomos levar os cabezolos a unha charquiña con auga porque, o máis grande de todos, estaba constantemente subido na tapa da pecera, coma se quixera marchar...!!





Moita sorte cabezolos!!! Aínda que...este tan grande, sería un cabezolo? A que parece unha lagartixa?